ياراكب اللي وردوه الخواجات=من وارد اليابان شد اليهودي
موردينه يمنا للوكالات=يم السعوديه وشعب السعودي
فكسار والله من خيار المديلات=عشره ورى الالفين واف البنودي
شكله مميز من جميع المزايات=ومطورن تطوير واللون عودي
له كشنتن تبهر ومن فوق فتحات=وسكبه ومنظر والمزايا تزودي
هو مركب اهل الطيب واهل الجمالات=واهل الكرم ومعرّبين الجدودي
ياماحلا ممشاه ياطيب الذات=في ساعتن فيها نزول وصعودي
يقطع على دربه فجوج ومسافات= وممشاه دايم بالمماشي ركودي
راعيه لامنه سرى الليل مابات=يقضي لزومه ماتبيح السدودي
وراع النياق العفر شاف المسرات=من واردن جعله علينا يزودي
نبعد عن الديره وعن كل الاصوات=وشوف الفياض الخضر جاله ورودي
هو منوة اللي مشتهله بسجات=وكبده من الايام فيها ألهودي
ماهمني لوسقت فيه الريالات=ماهو خساره سوق فيه النقودي
وصلاة ربي في جميع الصلوات=وعلى النبي صليت ماني جحودي