جولة سريعة وممتعة وجميلة في مملكة التمور صبيحة يوم الجمعة 30 - شعبان قبل بداية الشهر الفضيل بيوم واحد ....

والحقيقة أنه يعجز اللسان عن الكلام فالسوق ممتليء على بكرة أبيه من بزوغ الشمس .... وجميع ما تتمنى من انواع التمور موجود تحت ناظريك وفي متناول يديك ... الاسعار مرتفعة قليلاً بالنسبة للسكري ومناسب لبقية الانواع ولا اخفيكم فقد وجدت من انواع الرطب ما لذ وطاب ....

اليوم وجدت سيارة فيها (( شايب )) الله يحرم وجهه عن النار جايب رطب من مختلف الأنواع (( مزرعة المرزوقي )) والمشكلة باع أغلب اللي معه وأنا لاهيٍ بالتصوير .... يوم خلصت قلت ياعم أبي من هذا وذا وذا وذا ..... بس على كرتون ..... تعرفون نحب الذواقة ..... قال والله ياولدي راح كله ماعاد باقي الا هذا وهذا وهذا وخذهن هديةٍ مني .... قلت لا ياعم ما يصير ..... قال إلا يصير ونصف قاعد تصور تمرنا ومعجبك بعد وتبينا نخليك لا والله ما نخليك ياولدي .... وعلى هذا فقس في التعامل من أغلب من في السوق .....


تعالوا معنا نبحر سوياً (( حلوة نبحر )) مع هالصور اللي تشرح الصدر وتسر الناظر :








طبعاً التعليمات والإرشادات لا توصون البلدية ما شاء الله عليهم اول بأول ولا لأحد عذر يقول ما دريت وإلا ما احد علمني ....
ما شاء الله اللوحات يقراها اللي في الطيارة من فوق ....
































من أطيب أنواع السكري التي رأيت هذا العام ....












































هذا الشايب اللي قلت لكم الله يختم له بالخاتمة الطيبة ... والتمر اللي فوق كله من عنده .... لذيذ لذيذ لذيذ .... ونصيحة للي يروح للسوق يتطرّح لها الشايب وأنا مسئول عن أي واحد ما يعجبه التمر اللي يجلبه ....





هذا محمل لمكة ....



وهذا محمل لجدة الله يحفظه ....




الله يعطيكم العافية يا اشبال المستقبل .... (( تحميل سيارة ب60 ريال ))
وينكم ياللي تدورون الشغل ؟؟؟؟ شوفوا ذولا ما شاء الله عليهم .....


السوق في مملكة التمور أيضاً يتوقع أن يشهد إقبالاً كبيراً في هذا الشهر الفضيل إن شاء الله ...


أبن مصاول: نشكر الزميل دهران(حمد بن سليمان الجبرين) على هذه التغطية الشامله