هاضت هواجيسي وانا اعرف الرسوب امن النجوح=ماني غشيم اعرف فرق البيض من فرق السمر
الشعر مثل الجسم والمعنى بوسط الجسم روح=مال الجسم معنى بليا روح علماً مختصر
يشوقني جزل الشعر لين ابدي اعجابي وابوح=عن بعض ما في وسط صدري من مواضيع وعبر
ما دام مالك ياولد فاطم على احلامك سبوح=تحمد الله لاتهقوى وانت ما حولك نصر
بعض الهقاوي ما وراها لا غبوق ولا صبوح=لا تحسبً الناقه العاقر ليا حلبت تدر
دام الامن مفقود وش عندك على الفزعه تلوح=حافض على وجه الغناه اخير من وجه الفقر
تحد بن ماجد على قصياه واتصيح وتنوح=تقول انا مقهور وانته بخير ما عندك قهر
لا تبلش العالم ياراع الزمل وبعيرك رموح=خابرك بعض احيان ممن اخلاق وزمولك قشر

حييت يالي منته براسب ولا حولك نجوح=لو انك الاول لجيت اردك السابع عشر
قل ليش لني شاعراً جلاد ولساني فصوح=وان شفت لي شاعر هجومي لازم احشره حشر
وانته يابو عواض شاعر صلف وسوبك جنوح=للحرب واستفزاز خصمك والمخادع والمكر
بالشعر والا غير لا بالله لك وجهن فلوح=دين وامين وطيب وصادق شعور ومبتكر
لاكن تضن وتعتقد وانته مضيعك الطموح=وبعض الطموح اليا تعدا حده يسبب ضرر
وانا وابن ماجد ترانا من بعيدين الشبوح=لا تحسبنا طال عمرك من قصيريين النضر
حنا بعيدين النضر ياراعي التيس النطوح=بالعزم والباس القوي نطحن جلاميد الصخر