يامفقدين الشعر ومنقدينه=يامنقدينه بس ماادري على ايش
الشعر للشاعر سواة اكسجينه=ياللي تبيعون الذمم باالبخاشيش
تسمعوا ياأهل العقول الرزينة=في قول من يروي كبود المعاطيش
مصدرين العلم وموردينه=إمبدلة بيض الغتر للطرابيش
ماانتم بكفوا النقد ياناقدينه=الشعر يسمو عن كلام الخفافيش
أقلام سوداء في صحافة حزينه=وأفكار رجعية ونزوه من الطيش
أقلام ماهي في أيادي أمينه=والكاتب يدور على لقمة العيش
ماكل كاتب قيل تسلم يمينه=اهبو هبيتوا ياعيال الدراويش
احترموا القارئ لعقلة ودينه=لاتشوشون الجو مافيه تشويش
وتثقفوا في النقد ياجاهلينه=والااستريحوا مالكم في المطاريش
ارقوا بذائقة العقول الذهينه=روس الظبا ماعاد فيها عراميش
نبي شفافية وصدق وسكينه=لاتعرضون انفوسكم للطراريش
ماني بسلبي بس الأشيا المهينه=تبقى مهينة لاتقولون لي ليش