العام قلت اني محطت عذابك=واليوم لامريت بيبانك ارتبت
نسيت يوم(ن)الغرام انتحابك=في يوم جمعه مقبله ليلة السبت
يمي تجي وانا اجيلك مهابك=وموت في سلهام عينك ليا ذبت
واليوم تيار المفارق غدابك=شرقت عن دربي وانا عنك غربت
مدري اعزي خاطري في غيابك=ولا اعزي خافقي لو ماغبت
ياقلب لاتحزن تحمل مصابك=لاتشتكي من غدر الايام والكبت
للحب في هذا الزمن ويش جابك=شفني شباب ومن طعون الهوا شبت
ياكثر ماجرح المفارق سرابك=ومن كثر صدمات المواليف ماتبت
ياجرح صدري لاا لتئمت احتفابك=داخل معاليقي نجضت وتسربت
تطحن شراييني بضرسـك ونابـك=رفيق درب ونابتن فالحشى نبـت
تبدا العذاب بداخلي ونتهابك=اني لعيش ومن سبايبك ماطبت