قلبي ياعايض ماكنه غيرقدامي=بالعين اشوفه ولاني قادر اوصله
كنه مسكني عدون خجج اعظامي=واحكم يده في عروق القلب ويتله
ثم قسمه قدم عيني عدة اقسامي=والروح متعلقه تطلع وتنزله
من يوم شفت البطل طايح ولاقامي=مالي جدا غير اناظر فيه وامعله
احيان اقول ان ذا كابوس واحلامي=كابوس لاقمت عني ينجلي كله
واحيان اقول ان ذا كذب واوهامي=اكيد مقلب مسوينه بي الشله
واقوم ادور لرقمه بين الارقامي=وادق رقمه ولا برج يوصله
واروح للبيت لاهو مظلم اظلامي=واشوف لي شوفتن زادت بي العله
ولاجيت ابدخل ذبحني قول الايتامي=ابوي ماهو معك ياعم عبدالله
واقول سافر يبيله عدة ايامي=وادور الباب ابطلع معه مادله
واشيب عيني ياعايض موقف دامي = هذا هو اللي يهز الرجل ويشله