الشيخي :
سلام تسليمٍ يحط العذر في وجه العتاب = واليا عرضنا المشكله حضّر جميع حلولها
الضيف لامن جاه دله ماكفاها في التراب = لكن مايحكم عليها لين يدرج دولها
سوار الذهب :
يامرحبا ترحيب ماياخذ من الرحمه عذاب = واليا بغيت امن الكواكب شئ مانت بحولها
المخطيه ماني مسجلها على باب الصواب = وأهم شئ نخاطب العالم بقد عقولها
الشيخي :
سرقت سطرٍ فالكتاب امن أجل سطرٍ فالكتاب = وأحسب علشانه مدارت الذكاء وفصولها
الله يكتب لك ثواب ان كان غيرت الثياب = لاتبلش العالم بحمل صعيب فوق حمولها
سوار الذهب :
أنته نسيت إن الهزيمه من بنود الانسحاب = وأبناء عطا تقدر ترام المرجله وتطولها
ترى السحاب الغر مايقف على نبح الكلاب = باقي علومٍ بعد ساعه مستعد أقولها
الشيخي :
أعرف سباع الأرض منها كل ذي مخلب وناب = مار الجذيبه فالجبال وسهلها فسهولها
ياليت ياللي تختلف عويتك عن عوي الذياب = موعدك ساعه يجحد الرجل ويقف من هولها
سوار الذهب :
يالله دخيلك من فساد الناس وأعمال الخراب = البدو فالطايف لقيت انزول غير انزولها
ويش انت ياقرن الغزال اللي تحت ريش الغراب = أصحابنا اللي في تهامه يختفي مرسلوها
الشيخي :
اليوم فالطايف وفي غيره صناديق انتخاب = ومرشحين مطير ماهي عرض الأرض وطولها
إن كان عبدالله منعه الشيب عن جيل الشباب = ميلة عقاله ماتغير فالبشر وميولها
سوار الذهب :
انته خطر لكن ماتمنع علي الإقتراب = وأنته فزوعك من يعينها ليا صاحوا لها
ياصاحبي مايغني الحطّاب كثر الإحتطاب = بعد محمد ماتت الأصنام لو صلوا لها
الشيخي :
الكلمه اللي قلتها قلعه لها عشرين باب = والعلم بالنيه يحدد رفضها وقبولها
ماكفاك جانا الحسبه اللي مايعرفون الحساب = لو قلت واحد ضرب واحد ماعرف محسوبها
سوار الذهب :
حنا ترانا مانزكي مال ماتم النصاب = لكن يالشيخي ميادين الرجال فعولها