الشمس لو تغيب غابت حياتي=وش عاد أبي فى الكون لاغابت الشمس
وأكبر طموحاتي وكل أمنياتي=أهمس بكل إحساسي لوردتي همس
شف عيني اللي بالهنا ماتباتي=وشف قلبي اللي بالوله منحمس حمس
بأسباب بنتٍ لأجلها القلب ماتي=من لحظة إني شفتها شوف قبل أمس
تلبس لثام وحسنها بالعباتي=وحسبي على اللي شالها راعي الجمس
واقلبي اللي صار يقفي وياتي=مثل الجهاز اللي يجاوب على اللمس
لو جمّعوا كل العذارى وجاتي=راحن كما كلمه طمسها الحبر طمس
لو شافها ناصر بعذب الصفاتي=من حسرته يصفق على الخمس بالخمس