يا راعي الغـر
كُتب : [ 01 - 11 - 10
- 07:17 PM ]
يا راعي الغـر العـذاب المباهيـش=رش الكبود اليابسه عـن عطشهـا
دنق علي وطمن الـراس بشويـش=واحي العـروق الذابلـه وانتعشهـا
حبك ينهش ثومـة القلـب تنهيـش=نهش الحنيش لعرش رجل نهشهـا
واهل الهواء في سجن غيك دروايش=وقلوبهـم وجلانـة مـن دهشـهـا
من ذاق من خمر السوالف بخاشيش=يبطـي وروحـه معتلقهـا بلشهـا
ولا تستمع فهل الحكا والوشاويـش=نـاس انقيلـي الناميـم دبشـهـا
يا خشف ريم ذار واوحي شوابيـش=بدوا طلوع الشمـس ذاره وغشهـا
والعين عين اللي جسر عقب توحيش=اميـر بيتـي الـحـرار اوحشـهـا
طرح الشبك ما قلبـوه الطواريـش=ولا قرنسوه اهل العشش في اعششها
وحش وجاي من بعيـد المناطيـش=عوق الخريش اللي طياره خرشهـا
لا قام ياخذ من طرق ريشها ريـش=واليا قضـا لعبـه عليهـا لكشهـا
جابوه من عين الشمال الهماميـش=ابرك لهـادي طرشـة قـد طرشهـا
جابوه لمثمـن طويـل المطاريـش=شيخ قوانين العـرب مـا دغشهـا
محمد عشير منقضـات العكاريـش=نجل العيون اللـي مـلاح بهشهـا
ومهـدي للـي براسـه نغامـيـش=لا شوشت حيـات الارض وحنشهـا
محمد مقابـل قاصـده بالتباهيـش=وملفى الرجال اللي جميله غطشهـا
ودايـم وبيتـه مدهـل للمداغيـش=وكم روح معسـور بجـوده نعشهـا
لا يبعد نـاس تكبـر علـى ويـش=لا شافت الناصـي تلـوت خششهـا
لو يملكون ارقـام الامـوال حتيـش=در الحمـاره دوب يكفـي جحشهـا
وروس الضبا ماذكر فيها عراميـش=لو هي على الزيله كبـار شوشهـا
الشاعر / عبدالله بن نايف بن عون
|