مجنون حبك
كُتب : [ 20 - 12 - 11
- 01:25 PM ]
*** مجنون حبك ***
يازين لا تجرح المشتاق بصدودك = ما تدري أن الجرح اسبابها الصدي
تصد لا جيت مدري ويش مقصودك = وأن قلت عطني علومك قلت ماودي
بعت الغلا والغرام وسابق عهودك = وأصبحت خاين وبالهجران متحدي
جمعت ضباط حبك زايد جنودك = وأعلنت حرب العواطف كلها ضدي
يا زين لا تشعل النيران بزنودك = ناضر دموعي من الفرقا على خدي
أرسلت وأرسلت ماجا منك مدرودك = وأنا انتظر لي شهر ماجاني الردي
ياما وياما عنيت وجيت بوعودك = واعدي الرجم وانزل منه واعدي
آطا دروب الخطر وآمر بحدودك = واروح لا شفت بعض الناس واردي
يا زين قلي من التعذيب وش فودك = وش غيرك ليه معيه صرت متردي
وأن كان طال العناد وزادت اصدودك = لا قول مجنون حبك وافضح السدي
شاعر الغربه
شــــبل المطـــــــيري
|