يابوي بنتك لاانحكـى(( بالتّجاريب))
كـل ٍ يشق لهيبه الصـّيت جيبـه
يابـوي مـاني من سـوات المخاريب
(**اللـّي تجيب لعليَة القوم خيـبه**)
(وماني من اللّي لامشت حفّها الرّيب)
أنا مـن اللّي مايـدنـّس حليبـه
((مـرفوع شـاني عن غرام المكاتيب
وأكبـر من انّني أرتضـي بالحبيبه))
أنا غرامـي لاابتـدوا بالتّراحيب
نفوس الأوادم في وجـودي رحيبه
وان كـان زينـي فتنـة ٍ للمصاويب
أحط وجهـي بالحريق ولهيبـه
زينـي أبيعـه وأشتري سمعه الطّيب
اسم ٍ ينـومس بالصـّروح الذ ّهيبه
وان كـان عندي ( بالحـلا) شي ٍ اصعيب
عندي جدود ٍ مارضت بالغليبـه
دموع القبايل في لقـانا مساكيب
كن المقابر لاحضـرنا قريبه
((خضـّبت لك كفـّي من العـز تخضيب
ورفعت راسي للنّجوم الصّعيبه))
والله لأسدّك بالفعول المصاليب
واللـه لأشيـلك بالرخـا والمصيبه
(طلع المعالي ماانحكم للشّواريب
بنـت ٍ وأنـاطح فارس القـوم طيبه))
وياشيخـي إبشر لوتدور الدّواليـب
بنتـك إلا منـّه عوى الذّيب ( ذيبه)
__________________
*,.رذووووووووذه,.*