حان وقت الوداع وحان وقت الرحيل = ومات حلم اللقاء اللي كنت اعيش برجاه
دام قربك وشوفك ثامن المستحيل = خل كلٍ مع الأيام تقفي إخطاه
ادري إن المفارق صعب والبعد ويل = بس حكم الزمن يمشي على أي اتجاه
حسبي الله على الفرقاء ونعم الوكيل = ضيعتني وضعت وباح قلبي خفاه
فرقوا بيننا اللي يشعلون الفتيل = حسبي الله على الحساد وأهل الوشاه
وأنت غالي ولك كل الغلا يا جميل = والغلا لك وغيرك خافقي ماعطاه
وأخذ مني عهد ماحط بعدك بديل = ولا التفت يم غيرك دامني فالحياه
واعتبرني قتيلك لو ماني قتيل = مابقا كود قبرٍ ينتظرني ثراه
آه من وقتي اللي قام فوقي يميل = وآه من جرحي اللي مستحيلٍ دواه
وآه من حزني اللي بين يومٍ وليل = ماتركني دقيقه لين حالي براه
وأكثر العمر راح ولا بقا إلا القليل = والسنين احرمت قلب العنا من هواه
وبعد طول الصبر والانتظار الطويل = الزمن هد سورٍ تاعبٍ في بناه
جعل دارٍ سكنها نور عيني تسيل = وينبت أرضٍ هوى بالي برجله وطاه