رجم العنا
كُتب : [ 19 - 12 - 11
- 11:44 AM ]
*** رجم العنا ***
أنت يا رجم العنا اللي فيك بعد العصر بادي = بنشدك يا رجم يا رجم العنا ما شفت خلي
يا رجم ما شفت لي خلن حرمني من رقادي = كان خلي جاك والا شايفه يا رجم قلي
لنك أنته يا رجم دايم تمر بك البوادي = وينزلون البدو حولك دوم يالرجم المطلي
صاحبي شدوبه البدوان فيام العيادي = ذاك حد العلم به واليوم شهر الصوم هلي
له سنة وأنا عنه نشاد في شتى البلادي = تعبت الأقدام من شانه وشوفه ما حصلي
بنت بدون لا انزلو منزالهم روس الحمادي = وين ما طاح الحيا يمه تتل البوش تلي
ابدويه تجهل الجوال واخبار الروادي = عمرها ما كلمت هاتف دولي ولا محلي
ابدويه ما تشجع لا هلال ولا اتحادي = عشقها بيت الشعر والبر والذود المفلي
صوتها عند أول المقهور لا قامت تنادي = كنها وهيه تردد صوتها آذان المصلي
ما تسمع في غناء راشد ولا تسمع عبادي = ولا مشت بالجنز وسط السوق مع شعبن مولي
أشهد إن الله مجملها جمالٍ غير عادي = اكتمل فيها الجمال من الولي عزاء وجلي
خدها كنه قمر خامس عشر يجل السوادي = ورمشٍ اسود فوق خده عن لهيب الشمس ضلي
والخشم سيفٍ بكف الفارس الشيخ القيادي = والشفافيف حمر وبليا حلى خلقه تحلي
والنهود موقفه فوق الصدر والبطن غادي = والجديل اشقر وفوق المتن مايل ومتدلي
والردايف لا مشت ترفع ملابسها عنادي = ويش اصور ويش اوصف من وصوف ويش أخلي
ويش زينب وش نجاح وش بشاير وش هنادي = وش بنات الشام وش حور العراق المستحلي
تخلف عقول الرجال وتلفت انظار العبادي = شفتها صدفه وجيت إلها بدون اشعور كلي
وأنت يا رجم العنا جيتك وأبا العلم الوكادي = جيت عاني لك وأبي يا رجم منك علوم خلي
] [
شاعر الغربة
شــبل المطــــــيري
|