المشاركة الأصلية كتبت بواسطة فيصل القحم بسم الله الرحمن الرحيم عندي كم سؤال لشاعر المبدع أبن غلاب السؤال الأول ـ بيت شعري ترددهـ دائماً على لسانك ؟ السؤال الثاني ـ أقرب قصيدهـ لعبدالرحمن غلاب؟ السؤال الثالث ـ موقف تاثرت فيه وكتبت عنه؟ السؤال الرابع ـ حكمتك بالحياهـ ؟ السؤال الخامس ـ مثل يعجبك أو مقوله ؟ أشكر الشاعر أبن غلاب ولي عودة بإذن الله أخوك فيصل القحم

بغيت انام وحاربت عيني النوم = والقلب ياعيسى تزايد عذابه
وجلست انا يابوك ضايق ومهموم = وصارت دموعي مثل وبل السحابه
ابكي على الي صار في حادث اليوم = امرٍ من الله والله الامر جابه
وليابكيت سعود مانيب مليوم = لعل رب العرش يجبر صوابه
سعود تركي للصعيبات زيزوم = مافيه مثله والاسامي تشابه
ابكيه حي وكلها ايام ويقوم = بامر الله المعبود منشي سحابه
وهذا يابو تركي مقدر ومقسوم = وما جا من المعبود عبده رضابه
دنيات هذي كلها اقداروسهوم = كم واحدٍ سهم المفارق لجابه
وكم واحدٍ من جور الايام مسقوم = يمسي ويصبح في هموم وكآبه
راعي الوفا والطيب تدري به القوم = والا الردي يموت ماحدٍ درابه
وان كان لاغاب القمر تطلع نجوم = ياسعود نجم الليل ماحدٍ سرا به
انت الذي مثل البدر دايم الدوم = ونور على المطران كلٍ مشابه
ومعروفكم ضافي على باقي القوم = تفزع مع الاقصين ومع القرابه
ياسعود تركي ياسند كل مظيوم = من هيبتك حادثك كلٍ درابه
كنه صدر في نشرة العصر مرسوم = العلم بين الناس كلٍ درابه
كلٍ يقول الله يشافيه ويقوم = يالله عساها دعوةٍ مستجابه
والامر للي يفرض الحج والصوم = رب النبي والعرش رب الصحابه
لكن ليت الحر يفدونه البوم = ليت الثعل يموت قبل الذيابه
وليت المنايا تاخذ انذال ورخوم = وتصد عن رجال يحسب حسابه