في هالزمن طلع لناسالم الزير (قصيده مهداه الى الشيخ محمد عبدالله الفغم )
كُتب : [ 08 - 11 - 11
- 06:16 PM ]
هذا القصيده مهداه الى الشيخ :محمد عبدالله الفغم أمير الفوج الثاني عشر برفحاء
البارحه كثرت علي التفاكير=وافكار راسي ماعرفت لمداها
حاولت اسايرها ولا تقبل تسير=وحاولت اداريها ووافق أخطاها
قالت على روس الرجال المناعير=تقنها يالين يسمع صداها
قلت أبشري ماعاد فيها معاذير=عقب صبين كلمته ماحماها
من بعدها سلام تسليمتن غير=تسليمتن جزله وحلون نباها
على الرجال اللي تقود الطوابير=وفعولهم تذكر ولاحدن نساها
يوم المعارك والسيوف الشواطير=لثارة الهيجاء ودارت رحاها
بالشلف ولى الطاس فوق المظاهير=خيولهم تدعس جماجم عداها
أخوان صبحا كالجبال المشاهير=من قوهم صفق الهوى مانحاها
كلام ثابت مادخل فيه تزوير=مثل النجوم الساطعه في فضاها
في هالزمن طلع لنا سالم الزير=محمد العبدالله اللي احتواها
له وقفتن تشهد مع ساير مطير=ومع الرجال اللي ينومس لقاها
الضيغمي أليا ألتجابه معيثير=ينجي زبونه لدخل في حماها
كم حط في كبد المعادي مسامير=خلاه يعرف مرها من حلاها
ماهو من اللي فعلهم بالثراثير=ولاهو من اللي كلمته ماوفها
دمث السجياء للفوه الخطاطير=يضحك حجاجه قبل يكرم لحاها
انشهد أنك شيخ ياشيخ وأمير=ولاهمتك هرج أسفها وأغشماها
ترسي مثل مايرسين البوابير=لو أن موجات البحر زاد ماها
وتاقف على علوم المراجل كما النير=وتمد مدات الملوك برخاها
يمناك لمدت تجي كلها خير=مدت كرم منته مدور وراها
وأخر كلامي وموجز القول تقرير=أنته كما غيث(ن)نزل من سماها
الشاعر : مشاري بن مهل بن مصاول الميزاني
|