كيف أناظر في عيونك ياملاك=وانتي اللي فاتنه قبلـي مـلا
فرّقك ربي عن الغيد وحمـاك=من عيون ابليس وسْهوم البلا
لك عيون ٍ زودت حالي حلاك=من حَوَرْها كل مافيني سـلا
الخصر من ندرته مابه سواك=خِلقته ضامـر روى ولاّ كـلا
سارقه قلبي على مهرة غلاك=وكل همسه ذقتها مثل الحـلا
الحنان اللي ترى ربي عطاك=ماعطيتينـي ولا حتـى هـلا
يامعنيني تراني فـي حـراك=خافقي يمك عن ضْلوعي جلا
الغلا زحمة مزونه في سماك=والمشاعر وفـد ويقـدم ولا
لو بغيت الروح مع قلبي فداك=لجل عينك قلت يرخص ماغلا
حبك اللي ناسج لْقلبي شبـاك=طارح ٍ قلبي وصـار مكبّـلا
لا تخلي خافقي عايش ضماك=وانت عارف ماطبخ فيه وغلا
يا تزور القلب ترويه بهنـاك=يا يموت القلب من حب ٍ ملا