يسعد اوقاتكم بكل خير
اخواني واخواتي الاعزاء
ابيات متواضعه
اتمنى ان تعانق اذواقكم الراقيه
.
.
للمعرفه حق .. اللّفـت بيـن الارواح =وعاشـت لياليهـا بجـد ومزوحـي
حق الوصل بالود صبـح ٍ ومـرواح =طبع الوفا مجبـول ذاتـي وروحـي
واسمى ايات التهنئـه يـوم الافـراح =مـع باقـة ورود ٍ شذاهـا يفوحـي
بدافي مشاعر صادقـه حسهـا بـاح =من خافق ٍ بالحـب نبضـه يبوحـي
لقمر يضـوي عـدة ايـام ماضـاح =عذب المزايا والوصـوف الملوحـي
نواعس عيون ٍ بهـا الرمـش ذبـاح =اموت واحيا مـن سهـوم الذبوحـي
زفيتها .. مع طيف ماضي لنـا راح =تبكـي عيونـي ذكرياتـه تنـوحـي
روح المحبه بالمشاعـر لـه وشـاح =وبارق مزون الوصل دايـم يلوحـي
دارت شمالـي يمـة النـود وانـزاح =وجفت ينابيعـه وصـارت شحوحـي
مشيـت لاجلـه بالمتاهـات لحـاح =والمهتـوي مقيـول طبعـه لحوحـي
ومل الصبر لمطارد اسراب الاشبـاح =بصحرا الضما يبعد قريبـه يروحـي
عطشـان تلفحنـي لواهيـب فـواح =اشرب سموم القيـظ وتزيـد فوحـي
وعودت في ياسي.. تلاشى الامل طاح =واخترت من مفرق طرقها السموحـي
بمشي على المكتوب بأقـدار الالـواح =تقـود خطواتـي نـداوي جروحـي
عنوانها هاجوس قاف ٍ علـى آآآآآآح =بتوقيع (احمد) في ختامة شروحـي!!
.
.
مودتي ... أحمد