(** ماعاد باقي عليه كود قبر وكفن ** )
الجادل اللي غلاها فالضماير سكن= غابت وأنا ماعرف وش سبة إغيابها
غابت بعد حبها وسط الحنايا مكن= وخلتني آقاسي اللوعه من اسبابها
مرت ثمان إسنوات وحبها مستكن= في وسط عوج تقفل دونه أبوابها
واليوم عوج الضلوع من المفارق شكن = وأشواق قلبي تحن لشوفة أحبابها
وركايب الهم بحمول العنا بالركن = لابارك الله بيوم يمنا جابها
وارماح الأحزان فيني بالطعون إفتكن = واثر رماح المفارق صعب مضرابها
يالغالي اللي عيوني في غيابك بكن = سحايب من عيوني تسقي ترابها
حبك وأنا أستغفر الله فرض ماهو ركن = يجري بشريان دمي وايتساقابها
لك ذكريات على قلب الشقا يرتكن= والهم شف كيف حالي منك سوابها
ماعاد باقي عليه كود قبر وكفن= والروح يم المنيه ساقت إركابها
شاعرالغربه/شبل الميزاني