لعبة الشطرنج فالشرق فايز ومْهزوم=والنتيجة بايتة في عيون المغربي
والجماهير الكثيرة تصفّق للظلوم=من محيط الاطلسي للخليج العربي
الجهل معمي بعضها على كثر العلوم=والثقافة بينها فالعمايم والعبي
وْبعضها بعظامها ذلّ ما تقدر تقوم=تقتل الداب وتقفّيه ضرب العقربي
الطيور اشكالها جارحة والفعل بوم=والكلاب ذياب في كل وادي تقنبي
اظلمت من عام سبعة وستين النجوم=والبشارات العقيمة دواها يصعبي
والحمامة دودها فالجناحين مْخدوم=يوم حنّا بين قتل المشاعر والسبي
عندنا صار الهدف مطلب بْتخطيط يوم=وْعندهم فالغرب خمسين عامٍ المطلبي
نشتري فالذل والعز محدٍ له يسوم=ماجمعها غير من في درقهم مختبي
وْمع مرور الوقت من فاز فالشرق مْحروم=لو كسب من لعبته مال والا منصبي
والسعادة لو بدت في سنينه ما تدوم=دام تخطيطه محلي بريموت اجنبي