الصاحب اللي صحبته كلها غم=برخيص ابيعه في حراج الرخومي
لاخاسرن حاجه ولا شلت له هم=ولا هو محسفني ردي العلومي
لوهو من الاقصين ولاّ ولد عم = ارفع مقامي عن مساره واشومي
بعد الردي مكسب لراسي ومغنم =هذي مشاويحي وهذي سلومي
ماني على صحبة هل العوج ملزم=اللي مراجلهاعلى اكل اللحومي
تاكل لحوم الناس بالسب والنم= روس السنتها مثل حد السهومي
وقت الرخا كنْها على الموت تقدم =وعند الشدايد مثل جرد الحزومي
من حط رديان الرياجيل محزم = يشبه لمن يغزي بسيف(ن)ثلومي
ومن لايوردها على صافي الجم= يبقى رهينه للظمى والسمومي
ونا احمد الله واحلف ايمين واقسم=مال الردى طير بسمايه يحومي
اسري مع اهل الطيب بالطيب واجهم=وابدي معاهم مثل مبدا النجومي
واجلس مع اهل المعرفه واتعلم= واحرص على وصل الرجال القرومي
اللي لهم في قمة العز معلم = نسل الحرار اللي تسد اللزومي
ون دارت الايام والجو عتم = فزعاتهم تجلى الكدر والهمومي
ومن صاحب اهل العرف ماراح يندم= يصير مابين الرجال محشومي