من قلب صادق دوك يامنشف الريق=اخذ الحقيقه كان تبغى الحقيقه
من دون تجري معي يازين تحقيق=دوك استقاله وانت عطني وثيقه
من حبك افصلني وخل المغاليق=مدام حبك ما عرفت ألطريقه
وانا لحب انذال يازين ما طيق=حب المذله لعنبو من يطيقه
ماهو بنا الي ينخضع للمرابيق=نفسي عزيزه ومن اصولً عريقه
الحر يسكن في علو الشواهيق=يسكن بروس اجبال لو جف ريقه
لوكان في رجليه عشرة مسابيق=ياطى عل روس الجبال الشهيقه
لا تنحرج شف غيرنا امن العشاشيق=يالي تبي تعشق كفوفاً رقيقه
شف غيرنا واختار بين المخاليق=ودور على الناعم وخلك عشيقه
واشهوله اجاملك يامنشف الريق=ذبحتني والصبر ماعاد اطيقه
وانا لي الله عن صغار الطواريق=لو نار حبك وسط قلبي حريقه