المملكه فعيوننا واللي حكمها فالقلوب=اللي درا خله يروح يعلم اللي مادرا
دستورنا القران والسنه ولو شبت شبوب=نموت والمسترزقه ماياصلون ام القرا
حنا سعوديين شعبأ مايقارن بالشعوب=شعب وحكومه ولتفاف اخوان قاده وومرا
واللي يحاول تفرقتنا مايفرقنا كذوب=يبا يموت ورمحنا في وسط قلبه مابرا
حب الوطن فعناقنا لو كان ذنب من الذنوب=الله ياذنبن علا الفطره مع اعروقي جرا
والسيف والنخله وحاكمها وذعذاع الهبوب=والامن وستقرارنا مافيه بيع ومشترا
حامينها من منفذ الدره ليا حد الجنوب=ومن شرقي الساحل لغرب المملكه عز وذرا
وهل الفتن فوق السفينه مالهم مره ركوب=سفينتن تمشي بنا قدام ماترجع ورا
ايماننا بالله مافينا مخالف ومغصوب=حب الوطن والدين والله اكبرا
وقلوبنا لوهي حجرمن خشية الخالق تذوب=واسماعنا تنصت لصوت الشيخ لا منه قرا
وحكامنا معهم نوقف صف بالصدر الرحوب=في طاعة الله كلنا لدين والحق اسفرا