أكبر غلط في حياتي يوم حبيتك=و أكبر غلط كيف أحبك و أنته الناسي
و أكبر غلط يوم عني رحت ثم جيتك=و أكبر غلط يوم أبيك و قلبك القاسي
ما عاد تطري على بالي تناسيتك=مسحت ذكراك من قلبي و من راسي
هالحين لا جيت في دربي تعديتك=منته بمثلك من أول تملك احساسي
أخذ عليه عهد لا مني أطريتك=ما جيب طاريك في حلمي و هوجاسي
كنت أحسبنك معي وافي و أنا أوفيتك=أثرك غدار ما يعجبك نوماسي
و ان كان ودك تحداني تحديتك=بتشوف موتك لو انك تقطع أنفاسي
عيب عليه و نذر ان كان راضيتك=تلقى مصيرك ليا دقيت الأجراسي
تراي حاشمك و الا كان ضريتك=خلك من ابعيد و الا أبشر بالافلاسي
بليتني في عنادك ما تبليتك=أسقيتني يوم جبت السم في الكاسي
تذكر آخر نصيحة يوم وصيتك=وش قلتلك يوم جيت و قلت لا باسي
لا صار وضعك كذا عيب(ن) ترجيتك=ابعد و أنا أبعد مادام الوضع حساسي
يكفيك ما جاك من وقتك و توقيتك= الظاهر يجيك شي(ن) ماله قياسي
و نهاية الأمر سايرتك و داريتك=لين اكتشفت الحقيقة ما لها ساسي