على ذكرى السنين الماضيات اللي شذاها ورد=يذكرني بها لافاح ريح العود والكادي
وأنا مابين الأطلال القديمه والسنين الجرد=تقلبها تواريخ الزمن هجري وميلادي
معالمها تدفيني وأنا بين الدفاء والبرد=سوات الساري اللي لاعرف دربه ولاغادي
سقاك الغيث ياغيث الكبود الضاميات الورد=من الوسمي يالين تفيض الضلعان بالوادي
وحيفة وبلها كنه حوافر عاديات الحرد=نهار الحرب والا في سباق أيام الأعيادي
مثل وصف إبن حجر اللي يقول وعروة إبن الورد =هل الوصف الصحيح اللي لراعي العرف ميرادي
ماهي هرجة غشيم ٍ حيلته سرد السوالف سرد=يقلبها على كل الجهات عتاق وجدادي
أحد يشبه سراب اللال للي يطردونه طرد= وأحد يوصف كما هداج يروي كل ورادي
يقوله من دخل وادي هيامه والضوامي ورد=وأنا مابين ميلاد الهيام وبين ميلادي
قصيدة أعجبتني وراقت لي كثيراً للشاعر القدير/فهد النصافي