انتصر ياس حبي وانتهى مـن رجايـا=وابتدى الشك يظهر في خوافي ظنونـي
الله يسامحـك ماظنيـت هـذا جزايـا=ليه تبكي عيونـي يامضنـت عيونـي
احسبك ماتصدق فـي هـواى الدعايـا=يوم انا فيك ماصـدق ولـو يعذولنـي
احسب انك بدرب الود تمشـي معايـا=ليه تقسي عليا وانـت قلبـك حنونـي
صار حبـي وحبـك ياحبيبـي روايـه=مثلوه العـواذل عـن لقـاك ابعدونـي
ليتنـي مادريـت ولا عرفـت النهايـا=ميـر هـذا مقـدر لازم انـه يكونـي
لاتقولـون ياعـذال ويـش السـوايـا=انشدو من بـدى بالهجـر لاتنشدونـي
انشدو من علي صـده تحطـم هوايـا=عقب ذيك الصداقـه كـن مايعرفونـي
دايم ارعي خيالك في صبـاح ومسايـا=واذكر اسمك وانا اللي في هواك مغبوني
عط حنانك لغيري لاتسئل عـن عنايـا=خـل ذكـراك ليـا وانـت لاتذكرونـي
ياقمر وين نورك غاب واظلـم سمايـا=ليه سود الليالي تحول دونـك ودونـي
والله انه مصيبه مـن بيجبـر عزايـا=مير في عز نفسي كـل شـي يهونـي
من روائع الشاعر فيصل منصور المفقاعي