في حفل بلدة طلال الذي اقيم تقريبا شهر 4 / 1431 .


وقد دعي لها عدة شعراء من مطير هم سوار الذهب وزيد العضيله وسعيّد القحم وبدر بن فايز ومنير الهجله , وحبيب العازمي العتيبي وراشد السحيمي الحربي .



لم يحضر الشاعر حبيب للحفل بسبب عارض صحي ألم به تلك الايام , ومن هذا بدأ الشاعر سوار الذهب معناه مع راشد السحيمي وذكر عدم وجود شاعر قوي كحبيب وأن العوض عنه السحيمي , ورغم وشاعرية السحيمي الا أن حبيب شاعر كبير وند لسوار الذهب .



لذلك كعادة سوار الذهب اقتطف هذا المعنى وبدع عليه .






ومما ينبغي الاشارة له قول سوار الذهب :

(( أنت ياراشد تبا الدعوى لبن من حيد طاسه )) أي تريدون المعاني القريبة لكم الغير مدفونة التي يسهل فهمهكم لها واستيعابها وهذا يعارض أصول شعر الرد .

(( والبعيد تقربونه والقريب تبعدونه )) تعكسون الامور وماينبغى دفنه وابعاده تمسكاً بأصول شعر الرد تسعون لتسطيحه وتوضيحه , وماينبغي أن يكون قريب لذهن كل شاعر متمكن تبعدون عن فهمه وتعتقدون أنه معنى آخر .


وهذا الكلام قد يكون بشكل أعم لكل شاعر لايلتزم بأصول شعر الرد من حيث الدفن والرمزية والنقض والفتل والجزالة , ومن أهم أصول شعر الرد أن يكون مغلف بالرمز والدفن مهما كان الموضوع لأن لعبة شعر الرد هي على هذا الأصل ويتبعه نقض وفتل وجزالة بيت كلها ترتبط باتجاه المعنى الذي يحاك بطريقة مدفونة وخفية , ولايلجأ الشعراء المتمكنين لتوضيح بيوتهم الا كنوع من التغيير والتسلية أو الطواريق الفكاهية التي لاتتجاوز 1% من نتاجهم الشعري .






وهذه المحاورة المذكورة ولم تظهر بعض من التسجيل للأسف فمن سمع بها يعطينا تكميلها لتوثيقها بصورة كاملة .








سوار الذهب :

مرحبا في منبر اللي طالته من طول راسه = راس من عبدالمجيد وكلبوكم تعرفونه
_____ ___ ________ = _______ _ ____________


السحيمي :

البقاء بك يالكريم اللي يحمسنا حماسه = طول الله روسكوا والراس عزه من متونه
ياجماعه صلحوا للعازمي كرسي وماسه = والسحيمي حاضر الميقاف وانتوا ماتبونه


سوار الذهب :

أنت ياراشد نسيت أن الله أعطاني فراسه = نعرف اللي يفصلونه روق واللي تفصلونه
آه ليت اللي على بالك موهل للرياسه = ماحماه الله وحرب اصحابنا ليه يحمونه


السحيمي :

والله أني مانسيت اللي يعز البيت البيت ساسه = والرصاص اللي يوجه للشجيع يطيح دونه
________ _ _______ = ________ _ __________


سوار الذهب :

انت ياراشد تبا الدعوى لبن من حيد طاسه = والبعيد تقربونه والقريب تبعدونه
السحيمي كل مالقى جرته ماأسمع حساسه = حرب مزبان الدخيل وكم دخيل يدخلونه


السحيمي :

الوناسه روّحت والله لأعيفك الوناسه = الحقيقه ماعرف قدر السلاح الا زبونه
العلوم الطيبه حنا درسناها دراسه = انتوا اللي تعرفون الصبر مر وتاكلونه


سوار الذهب :

انت يالحربي نسيت أني مبا غير الشراسه = أمسك الرجال وأفجر هامته وأظهر عيونه
العرب يقلون من عوّد على الذنب انتكاسه = والعبادل يعرفون العز أخير من المهونه


السحيمي :

انطح الرجال حتى يلتقي باسك وباسه = وأن لمستوا عين رجلٍ مثلكوا لاتامنونه
ياحددانا من عرفنا فضته نعرف نحاسه = لو ربي مالطف بالوعل ماطالت قرونه