يا صاحبي منك صبري ماله حدودي = وش فيك دايم تقرّبني وتبعدني
أدور رضاك وأبذل كل مجهودي = أخاف مره على موتي توردني
أبيك تفهم وتعرف ويش مقصودي = مابيك تنسى الغلا كلّه وتجحدني
الحب سيّر ديانا وعشقت دودي = وانته تصرفك مثل اللي يهددني
لو نتفق ما يهم النقص والزودي = أهم حاجه على حبك تعاهدني
علمني الوقت وثر الحظ مقرودي = تبغى الصراحه معك حظي معقدني
مهما تسوي عليك الهرج مردودي = في كل الأحوال ما تقدر تقيدني
لاصار حبك ما هو فالقلب موجودي = مدري متى تأتي الفرصه وتسعدني
وإن كان غيرت رايك منت مفقودي = حبل العلاقه قطعته لو تجودني