لا هنت يامحبوب قلبي وسيده = على احترامك للمشاكل والاوجاع
اجرح ترى ماهي عليك بجديده = ذي عادتك في كل مشتى ومرباع
مدري من التعذيب وش تستفيده = وانا عيوني فيك ضميا وجياع
طوعت لك قلبي على ماتريده = لولا غلاك اللي سبى الروح ماطاع
خفف عليه من العنا لا تزيده= هماَ على مافيه ياشين الاطباع
قلبي ترى ماكل حي يصيده = اصعب على الخفرات من حب الاكواع
والماضي اللي ضاع وشلون اعيده = واعيد لي شي على خاطري ضاع
حلمَ رسمت به الحياه السعيده = اقفيت عنه وراح من غير مرجاع
الله حسيبي كيف فكيت قيده = وهو من اول مبركه بين الاضلاع