بسم الله الرحمن الرحيم
السلام عليكم ورحمة الله وبركاته

أسعد الله أوقاتكم بكل خــير ،،
متواضعه لا تحتاج إلى مقدمات ،

//
.
/

على طريق العشق من يوم مريت = شفتك ، وأنا من يوم شفتك هويتك
مريت من عندك ورحت وتعديت = أتخيلك ، وأنا أحسب أني محيتك
دفنت في صدري مشاعر وصديت = وأسقيتها صمت الغرام (وجنيتك):
كتلة مشاعر وإشتياق وتناهيت = تبين لو كابرت ، و تصون بيتك
ياليتني في خطوتي ماتعنيت = ياليتني لو قلت أبنسى نسيتك
ياللي على قلبي بحبك تماديت = لو جيت أبسلا وأبتعد ماسليتك
لا تحسب أني قاصدك كل ماجيت = يجيبني قلبي ، ولو ما بغيتك
إن رحت عن دربك ومع دربي أقفيت = من وين ماكانت دروبي لقيتك
ادخل على الله شوف وشلون سويت = إن جيت أببعد عن مواصلك جيتك