هذه قصيدة الشاعر محمد ماجدالميزاني
الاياوجد من شاف شيب العين
حد تـه الليالـي لا يجـي دار خلانـه
قضا نصف عمره مبتعد يوم حضه شين
بعيداً عـن احبابـه وداره ومسكانـه
على الي خذا عقلي وعناه يابو حسين
جميلاً جماله صاغـه الـرب سبحانـه
ذبحني سواد اعيونه وصفت الرمشيـن
وبياض الخدود وحلو سكبات حجانـه
وزمة نهيدينـن يشـادن حـب التيـن
وعوداً كما موزاً نعـم وسـط بستانـه
وجديلاً عليه الله واكبر يجـي متريـن
وردفاً خيالي يشكـي الثـوب بهتانـه
حلا الكون كله مجتمع فاريش العينيـن
تقول الحلا جا من دياره علـى شانـه
وانا لي عنه ياصاحبي فوق ست اسنين
عسى لايمي ياصاحبـي يقـع السانـه
وهذا ردي على الشاعر محمد ماجد
الاياوجودي وجد من ضيع الثنتين=بعد شاب راسه علم بذنبه اخوانه
بعد ضيع الدنيا وضيع وصول الدين=دخل فالعنايه وفتحو عرق شريانه
تجاوز ثلاث اسنين وربع ورا السبعين=قضاها بشهواته وتغرير شيطانه
جداه البكا والدمع الازرق يهله لين=تشوف العيون امن ازرق الدمع غرقانه
على ماجناه يصفق الخد بالكفين=ويطلب من المعبود عفوه وغفرانه
وانا صرت مثله واتوجد على الغالين=على الصاحب اللي نرخص الروح من شانه
جفاني وعهدي فيه قدام عام الفين=تغير وغير حي بيته وعنوانه
نسيني وانا في وسط قلبي الى هالحين=وملكني بحب(ن)يملك الناس سلطانه
تذكرت حبه يوم شفت القصيد الزين=قصيدة محمد ونطبق شاني وشانه
شكالي هوا ترف القدم نابي الردفين=هنوفن تخلي شلة الحب سكرانه
لياشافها راع الهوا مارقد يومين=ولاقلت وشبك قال الاخلاق خربانه
وانا اقول يامحمدترا الصبر دايم زين=مدام الك عشر اسنين اعزيك بفلانه
بنا الياس سوره بينكم مثل سور الصين=ولافيه حيله كود تركه ونسيانه