راكب اللي ماشريته طامع(ن)في أرباحه=قبل يجبرني لزومه ماقدرت أنوله
مشتريه للازم(ن)هو غايته وسلاحه=مايهمه لا تنهض عرض نجد وطوله
كفلاه أثنين وإستقطاع بنك رجاحه=ومبلغ(ن)منه الكفيل يخاف من مكفوله
ماعطوني كرت لوحاته ولامفتاحه=لين حطوا قيمته في ذمتي مدبوله
منوت اللي كاتب(ن)شيكه على مصباحه=والا أنا بالكاش لاحولي ولاني حوله
طبعة الـ(VXR)ـفاكس آر في خلفيته وضاحه=كنها بالماس والا بالذهب مكحوله
ماوقف تحت الحراج ولا إدرج فالساحه=من مصانع دولته فالصاله المقفوله
ورده عبداللطيف اللي برز فإنصاحه=يستحق الإسم يومنه وكيل الدوله
إن قفيته تعجبك خلفيته وجناحه=كن في إسطابه خلايا عن بعض معزوله
وإن نطحته تقل حر(ن)عايف(ن)ملواحه=تل نفسه عن حدم من صاحبه وفعوله
وإعترضله جول(ن)أقفا مع جبال الباحه=وراح كبر الجمع في كبد السماء مع جوله
وإن عرضلك عرضة اللي بالهواء ذباحه=الدلع كبرت وهو باقي بها مفعوله
من حلاها الخوخ والرمان مع تفاحه=ناضج(ن)فيها ولكن ماقطف محصوله
أشهد إنه موتر الكشخه ومركب راحه=مركب اللي لادخل في مجلس(ن)فزوله