البـارحـة مابـيـن هـيـه ولـيـه وإلا اصـبـر عـلـيـه= يـا بـري حالـي يـا هـل المعـرف مـن خلـي بـري
الصاحـب ألـي كــل مــا فيـنـي يــا بـيـه ويشتـهـه=وان غـاب عنـي قـلـت وعــزاه وحــوس ألـمـري
بالله يـا مرسـول قلـب الـشـوق كــان انــك تجـيـه=عطهـا رمـوز الشـوق قـل مـا تنكتـب مـا تنـقـري
تفسيـرهـا مــن عيـنـي لعيـنـه ومــن قلـبـي إلـيــه=حـبـره دمــوع العـيـن لا صـبـت وخــدي دفـتـري
اكتـب بهـا مـا لاج بـي إن قــال لا وإن قــال إيــه=مــا لاج بــا الخـفـاق مــن هــمٍ وشــوقٍ يسّـعـري
اشكي منـه وشكـي إلـه واشتـاق لـه وأمـوت فيـه=وأعطيـه مملـك لـو يبـي ثوبـي ويتركـنـي عــري
العين ما هي شي يسـوى العيـن هـا لغـض النبيـه=يـا سامعيـن أتفهـمـوا وضـعـي فـلأنـي عنـصـري
مـا نـي لخلـي عنـصـري ملـعـون عـبـاد الوجـيـه=وإن صملت لا ني أبـو الطيـب ولا نـي البحتـري
لكـن لا قــدم لــه وبـيـع العـمـر دونــه وأشتـريـه=الجبـن مـا طـول عمـر والقـرم مـا يـرجـع قــري
لـعـيـون ذاك الـوجــه والـغــرة ولـفــة حاجـبـيـه=ولعيـون شـوق بضلـوع ألـي هـرى حــال هــري
غمـاز تيـه إلـى ضحـك المـوت مــن غـمـاز تـيـه=في ضحكته سحري وأنا من ضحكته ماني صري
وذا هــرج كــن العـسـل ينـسـاب يـغـمـر شفـتـيـه=كل العلـوم تـذوب بيـن أشفـاه هـا الغـض الطـري
وجـدي عليـه وبـري حالـي منـه ولمـيـن اشتكـيـه=محـدٍ بمنصفـي منـه لـو رحـت مفـتـي لأزهــري
مـتـى مـتـى مـتـى مـتـى أحــط يــدي فــي يـديــه=هـذا الكـلام الجـوهـري هــذا الـكـلام الجـوهـري
هـذا بنـا لـه بـا الضلـوع العـوج بيـت وحـل فـيـه=محـدٍ دري عـن حالتـي عــن حالـتـي مـحـدٍ دري
كـم ليلـةٍ سقـت الخطـأ مـن شـان عينـه ليـن اجيـه=فــي ليـلـةٍ مــا تنـسـري فــي ليـلـةٍ مــا تـنـسـري
هــذا ونــا مابـيـن هـيـه ولـيـه وإلا اصـبـر علـيـه=يا بري حالـي يـا هـل المعـروف مـن خلـي بـري