يازين لاترجي مقفي وناسيك=عليك بالي لا قسى الوقت شالك
يمكن من جروح الليالي يداويك=مدام من عال المكان انحنالك
لاتجرحه بصد ربي يخليك=ابوجه من نزل تبارك يسالك
صافه بحبك دام شفته مصافيك=خلا العذرا لجل عينك وجالك
وضحك وسع في حياتك مناحيك=مع شاعرن لجل الغرام انتحالك
يسرج بنات الفكر لجلك وهاويك=خل الكلام الي يقوله ابالك
عاشق وبسلوم المحبين شاريك=لاتحرمه لذة حنان ابوصالك
وسكن بقلبن بصدق الحب حاويك=لا لا ضلوعه كب صدره وجالك
يتخيلك ليلن معتم ويسريك =ويشوف نورن ينبعث من خلالك
تعال تكفى ضمني بين اياديك=تراي من طعنات صدتك هالك
واخر كلامي لاتغير مباديك=وتعلن على عشاق صمتك قتالك