سلامي تسليم الوجوب اللي علم المسلم وجوب=والمسلمين اخوان والمنهـاج منهـاج النبـي
ياليتني كل الزمان اقضية فـي جـو الجنـوب=الجو طيب وأطيب من الجـو شـوف معزبـي

يامرحبا ترحيبة حـره ولا فيهـا عيـوب=عنوانها التقدير والمضمون في سد شنبي
شوف الامير اللي يسر العين ويسر القلوب=لاشك هذا مطلب حبيـب وهـذا مطلبـي

يابن عطالله من ثيابك لبس المجنون ثوب=واليا رقد قله ذكي وليا صحى قله غبـي
الأرض خلقت للأنام ولسلام وللحـروب=وانت تخير يالمطيري ثم قلـي وشتبـي

ماني وكيل للمجنن لو تضيـق بهـا الـدروب=اللي مع الدرب يعدي واللي مع الدرب يحبـي
انا على ممشاي واحسب حسبتي من كل صوب=واهم شي اعيـش عمـري ماتغيـر مذهبـي

الجاهل اللي يوم شب النار عرضها الهبوب=طارت بها هوج الرياح وقال ناري وحطبي
ياشمس طلي واسفهلي واستعدي للغـروب=لون الشفق قبل الغروب اخف من دم الضبي

الجن تابت واسلمت وابليس عاصي مايتـوب=والجن مثل الانس فوق الارض وابليس يهبي
ترى متون الآدمي لجل الحسانـي والذنـوب=وان ضاع جهدك وتعبك ماضاع جهدي وتعبي

الحاصل إنا لو نشب النار في الصخرة تذوب=لكن سلملي على القرقاح وأرحب ياصبـي
مافيه شي يضيع فالأيام والوقت محسـوب=وانته من الصدقان فالمطران وابليس اجنبي

ان كان ينجيك الهروب اظهر علامات الهروب=وإن كان ماينجيك خلك تحت هيبـة منكبـي
دنياك تلعبك على ماتشتهـي وأنتـه لعـوب=والهم لاجاء في قلوب الناس يسباها سبـي

حنا تحت هيبة سلاطين القبايل والشعوب=وانا حبيب وانت ياتركـي تـراك حبيبـي
ياللي تخضون البحر ترى البحر عيا يروب=واللي بعيد الدار في تالي الزمان قريبـي

منته على بعض العلوم اللي تنقدك مغصوب=كل يشوف الفرق بين الأعجمي والأعربـي