يالطرقي اللي تعبته المشاوير=صدورنا بالطيب صارت مداهيل
اقلط مادام ان النوايا مغاتير=القلب بيتك والسوالف تعاليل
سوالفن ماجات في حضرة الغير=لاكن مع حضورك سحاب وهماليل
يالليل كانون المسمى تساهير=اول غرامي نبظته ضفة النيل
بسط لك يمناي ورد ونواوير=وولعت لك صدق المشاعر قناديل
حبن يفوح مع الدلال المباهير=له سكرتن غطت على سكرة الهيل
وملح الفراق اللي تدافق محادير=في وجنتي يجري من الصبح لليل
انساه وادور لصدك معاذير=ولوشانت الاحوال باقي معي حيل
لانك مرام اللي يصوغ التعابير=ويبغا لمستقبل حياته مداخيل
يالغالي اللي فوق كل التصاوير=انته منايا فالليالي المقابيل