مدخل :
من خصايص عنود الصيد كثر الطواري ....... عادة الظبي يجفل لي تحرك ظلاله
ما يصيد الجوازي كود بخص وضاري ....... القنص بالركاده والتسرع جهاله
هلابكم حباايب قلبي
بعد هالمقدمة اللي امووووت عليهاااااا >>>>>يكفي من الشاعر خالد الفيصل
بقولكم سالفة الظبي
عزالله جيد هالظبي بس المشكلة ......( انا عندي عجوز قريح )
جده فلحة
الله يقطع بليسة جايه هي وقطاوتهاااا حاسو علي البيت
هههههههههههه لا وناوية اصلح عشاااء وسلطة وحلى
بس هي الله يهديهااا تجي في اوقااات ضيقة وحوسة وهي والقطوة وبزارين القطوة >>يرحم امك ارحميني
ياخي عجزت وانا افهمهاااا واقولهاااا بس >>>>>لاحياة لمن تنادي
نويت اصلح بسبوسه وجايبة المقادير وابي اصور وانزل لكم الطريقة
بس هذا قطو ينط وهذي هي وعصااهاااا
الله يهديك ياعجوز قريح <<<<<<< انااااا رافعه ضغطي
المهم هذي المقاادير والطريقة واعذروني عن الصور
بس بوريكم الصور الاخيره
المقاس علبة القشطة اوكية
اول شيء نحط زيت
وبيضتين
وسكر وفانيليا ملعقه
ملعقة بكنج بودر
وقشطة
وحركووووهااا زين
وعلبتين سميد
وعلبة جوز هند
ويحرك بعد
ويوضع حليب صاافيووو
وتصير زي الكيكه سايلة مو مرة
وضعي نص الكمية
ودخليهااا الفرن من تحت واذاا خلصت تتحمر من فوق
وبعدين صلحي القشطة
وهي عبارة عن كاس ماء
اربع ملاعق نيدو
اربع ملاعق نشا
وفنجال سكر
وتحرك على النار
لين تثقل
وحطي اربع جبن وحركيهاااا بسرعه لين تمتزج
وتوضع على الصينية فوق الطبقه الاولى
وباقي الخلطة زيدي عليهااا حليب وخففيهااا شوي
وصبيهااا طبقه اخيرة وتتحمر من فووق
وتسقى بالشيرة واضيفي لهااا قرفه مطحوونه
وهذي شكلهااا الاخير بعد التقطيع وضفت لهااا جوز هند وفستق
وبعدهاااا صلحت سلطة روووعه
سلطة المااااش
الماااش اكيد تعرفووونة
المقاادير والطريقة
ماش مسلوق
يسلق لين يستوى ماء فقط
نقطع بذنجان وبطاطس مكعبااات ويقلي بالزيت
ونقطع بقدونس ونفرمة وشوية كزبرة مفرومة
ونضيف المقااديركلهااا مع بعض
ونضع عليهااا زيت زيتون وملح وليمون وتحرك
وهذي صورتهاااا
جربوهاااا روعه
وهذي صورة لي سفرتي لي عشاء
عجوز قريح وقطااوتهاااا
هههههههههههههههه
وهذي كل سالفة الظبي
واللي جاااهاااا
من العجوز
وزودن على ذلك قطااوتهااا
يعني بيني وبينكم حفلة لي القطااوة الصغاار
هههههههههههههههه
وتقبلووو ودي وحبي لكم
واعذروني على تنزيل الصورة بالطريقة لانووو وقتي ماسمح وعلى عجالة
بس صورت في الاخير على عندي فعلا
حووووسة
اختكم عنود الصيد
السفره تمنيت ان كل الاعضاااء ياكلووون منهااااا صراحه
مخرج :
ليلتي يا قمرها غار منها نهاري ....... حيث وصل الموده همسة في لياله
جعل واهج غرامك مثل وجدي وناري ....... مير ما أظن في دنيا المحبه عداله