ما حلا جيب(ن) يبا دار الرفاقه=والمواتر لا مشت قدمه لحقها
جايبه تصدير برسوم البطاقه=والرمال الموحشه ياطا شنقها
من محطات الوقود اخذ اغلاقه=عقب ما كل الهجر خلفه فهقها
ناوي(ن) له ديرت(ن) فيها عشاقه=والطيور الطايره فوقه سبقها
سايقه ماهو خلي بلا طفاقه=والمسافه كل ما طالت رشقها
رخصته يومين والثالث سراقه=كلها بأسباب واحدت(ن) عشقها
عنده الرخصه من المرجع شفاقه=كل بيبان المراجع قد طرقها
سامع(ن) له واحد(ن) كثر نفاقه=رايح(ن) يجزاه بهروج(ن) نطقها
المنافق ما تخليه الحماقه=دايم العربان تبلشها إنققها
سامع(ن) له هرج في قطع العلاقه=حاسده مزيونت(ن) ربي فرقها
ثم قال الموت اهون من فراقه=أخذ البندق واخذ معها فشقها
بادره بالدين مايكتب طلاقه=لو تصير علومنا خذها وذقها
انحرف عنهم وسبب له خناقه=عقب جاهم شمسهم غيب شفقها