علي الدجيماء
ذيب سحمه
صح لسان الشاعرين وبيض الله وجيههم محاوره كلها جزاله وقوة معنى
علي الدجيما
حيا الله اللي يوم واعدته لقيتـه فالوعـد=شاعر ودايم يضبط الساعه على توقيتها
عزالله انه ذيب واللي قال مافالحمض احد=ياذيب سمحه قالته ناس(ن)وانا موحيتهـا
ذيب سحمه
الله يبقي من يرحـب بـي ووقـف واستعـد=لأجل الوعد وأهل الوعد سقت الركاب وجيتها
لاترخي اذنك ياعلي في هرج سلطان وسعـد=تبخص كرام القوم لامن جيتهـا فـي بيتهـا
علي الدجيما
اللي تركته في نهار السبت تلقاه الاحد=لاكن حاول تنطح الغاره ليا شنيتهـا
ياليل ياليل الطرب ياليل ياليل السعد=الله يبارك في بيوتي كـل ماغنيتهـا
ذيب سحمه
لو بشرو أبو اليمامه قبل ما مات بولـد=يمكن حربك يالبسوس يموت قبلك صيتها
لاتحسب انه تب تدوم لك السعاده والرغد=ياصاحبٍ دونه سيوف الهند قد سليتهـا
علي الدجيما
الظاهر انته ماتزيد ولاتنقـص فالعـدد=ياللي تسمع خطبة الجمعه ولا صليتهـا
انا ادري انك مجتهد والناس مثلك تجتهد=وسيوفك ان سليتها لاشفتنـي رديتهـا
ذيب سحمه
والظاهر انك من شمال الدار وأطـراف البلـد=تحلق شوارب لحيتك مـن عقـب ماحنيتهـا
خيل البروق اللي تكاشف واستمع صوت الرعد=ورد الخبر عن سيلهـا فـالارض لاعسيتهـا
.