عرض مشاركة واحدة
غير متواجد حالياً
 رقم المشاركة : ( 1 )
صوت مطير
رقم العضوية : 8301
تاريخ التسجيل : 08 05 2010
الدولة : ذكر
العمر :
الجنس :
مكان الإقامة :
عدد المشاركات : 89 [+]
آخر تواجد : 19 - 04 - 17 [+]
عدد النقاط : 10
قوة الترشيح : وراق مطير is on a distinguished road
الأوسمـة
بيانات الإتصال
آخر المواضيع

التوقيت
افتراضي بن نيف وفنون القوافي

كُتب : [ 28 - 07 - 15 - 02:51 AM ]

الله الله يــا فـنـون القـوافـي مــن جـديـد=إنـحـتــي لـلـسـابـق الـبـاهــرة تـمـثـالـهـا
2. انحتي صلد الصخر واشذبـي صلـب الحديـد=ودي اتـقــن زخرفـتـهـا عــلــى تفـصـالـهـا
3. حـي مـن تطـوي سباريـت بيـدٍ عقـب بيـد=سـابـق ٍ يشـبـه هـذيــل الـذيــاب إهـذالـهـا
4. قدرهـا يرقـا العـلا .. لا ضديـد ولا ضهيـد=جـيـت امــاري بــه مــن النايـفـات إطوالـهـا
5. يـا فنونـي لـو عثـر نظمكـن عَـقـدٍ مكـيـد=خـلّــن الـعـقـده عـلـيــه وأنــــا حـلالـهــا
6. كنـت مـالـي بالقصـايـد وتـرديـد النشـيـد=منتـصِـف عـمــري وانـــا كـاتــم ٍ مـوالـهـا
7. لين غنّى الشعـر وازجـى لحونـه لبـو زيـد=قلـت هالحيـن انتـشـى الكـيـف مــا يبغالـهـا
8. جيت ألبّي مطلب اللـي تعـزوا بـي عضيـد=والله إنــه لــو بـغـا إحــدى عيـونـي نالـهـا
9. كايـدٍ لـو يكـبـر الكـيـد ضــده مــا يكـيـد=يـفـتـل حـبــال المـكـيـده عـلــى فـتـالـهـا
10. حـي أبـو جاسـر عمـاد القبيلـه والعميـد=لا استـعـزت حـاجـة الـرجـل هـــو رجـالـهـا
11. ليه ما امشي له واطيعه واجي فيما يريـد=شـيـخ قــوم ٍ طاعـتـه مــن صــلاح إرجالـهـا
12. يا مساء عطر القوافـي ونفحـات القصيـد=مــن بسـاتـيـن المـعـانـي وروض اجـزالـهـا
13. للرجال اللي اليـا سمعـت النظـم الفريـد=ارخــــت الاســمــاع للـطـيّـبـة وأمـثـالـهـا
14. هيضة الخاطر عريضـة وأنـا حبلـي مديـد=واللـيـالـي مـــا تـعـلـم بـغـيـب احـوالـهــا
15. ياعدن ما أنتي عدن عقب مذهبـك الجديـد=اختـلـف ديـنـك وْلــون الـبـشـر واشكـالـهـا
16. انتويت اصـوم بكـره ولـو هـو يـوم عيـد=لــي هــلال ٍ مــا يـوافـق عــدن واهـلالـهـا
17. كيف اقيم اليوم وانا أمس في بادي شديد=صـعـب انوّخـهـا عـقـب مــا نتـلـت اعقالـهـا
18. خلهـا تمـش الهوينـا عـقـب ذاك الفـديـد=لـيـن تجـبـرهـا لـحـونـي عـلــى زرفـالـهـا
19. حرة تمـش عزيـزة علـى مـا هـي تريـد=تنـحـر افـجــوج الـخـرايـم وهـــي وفـالـهـا
20. مـا بقالـي شـف غـادي ولا شـفٍ طريـد=ابتـلـشـت بـــدق الاسـبــاب دون اجـلالـهــا
21. مدري النفس استكفت عـن الحلـم البعيـد=أو تـحـقــق مبـتـغـاهـا وكـــــل آمـالــهــا
22. تهت مدري عفت ، مدري طلع شفي زهيد=حالـة ٍ بالضـبـط مــا عَــرْف أوصّــف حالـهـا
23. لكـن الدعـوى وهـذا هـو العلـم الاكـيـد=اسـتـوى فــي عيـونـي اقفيـاهـا واقبـالـهـا
24. احسب إن النفس تركن علـى عـزم ٍعنيـد=واثـرهـا مــا هــي عـنـيـده ولا الله قـالـهـا
25. اتركونـي مـا تـعـودت للعـيـش الرغـيـد=نـابـتٍ عضـمـي عـلـى العـسـرة وغربـالـهـا
26. بيني وبين الزمان اشهـب الوجـه الشديـد=بــه صـلـة قـربـى لــزوم الـتـزم باوصالـهـا
27. جدي إبن الوقت الاشهب وأنا لإبنـه حفيـد=وإبـــن عـــم ٍ للمـشـقـه وأخـــو لأنكـالـهـا
28. افسحوا دربـي .. عزيـز المكانـه مايهيـد=لـيـن يبـعـد عـزتــه عـــن مـحــط إذلالـهــا
30. يمكـن إن حنيـف مـضـرم ووده يستـزيـد=مــيــر رد بـحـجــةٍ راهـــــي ٍ مـكـيـالـهـا
31. خـل إبـن عبـد الكريـم وعـذاره مـا تفيـد=دلـتـه هـاكـا السـنـه مـــا حـكــر فنجـالـهـا
32. مير عيبـي طيبتـي عـن نحاهـا مـا تحيـد=لا اقبلـت مــا عــاد تخـلـف طـريـق اقبالـهـا
33. كـل مـا عابـوا رفيقـي حميتـه بالجحـيـد=نـيـتـي عـمـيـا وصـعــب ايـتـبـدل حـالـهــا
34. قبل ماتطعـن غـدر فالظهـر طعـن ٍمعيـد=مــا تمـيـز صـالـح الـنــاس مـــن بطـالـهـا
35. والبلا إني مـا أجـزي السيـة إلا بالوعيـد=لـيــن صـــارت ذي سـواتــي وذا منـوالـهـا
36. والله إنـي لا مـراوي ولا عظمـي رعـيـد=مـيـر أحــب الـلـي جـزاهـا بعـشـر امثالـهـا
37. طال بي ليلي وأنا أجـدا دفـا ضـو ٍ وقيـد=اتـحــرّى حِـــل شـمــلا بــعــد تـرحـالـهـا
38. ضـاق صـدري والشماليـه الشلتـا تـزيـد=مثلـهـا مـثــل الشـمـالـي طـويــل ٍ بـالـهـا
39. دام ماحولي كما هو .. جميـدٍ فـي جميـد=ويــش خـانـة نـــاري ومـقـعـدي فاقبـالـهـا
40. صبح باكرتطلـع الشمـس ويـذوب الجليـد=وإن تعـيـن ويـــن شـمــلا تـحــط ارحـالـهـا
41. يا خسـارة مـا تلـوب الفهـود ومـا تصيـد=تنـهـبـه مـنـهـا ضـبــاع ٍ تــهــوم اعـيـالـهـا
42. والله إنـا مـا نبـي قطعـة ارزاق العبـيـد=لـكــن الـنــاس ابتلـتـنـا بـشــر اعـمـالـهـا
43. لـو تركنـا نهـر دجلـه لـهـارون الرشـيـد=بـاكــر زبـيــده تجـيـنـا تـســوق اجمـالـهـا
44. يــوم حملـنـا الجـدايـد ونزلـنـا الهمـيـد=نـخّـت إجـمـال الحـمـولـة بـربــع أحمـالـهـا
45. الجمال تشيل حمل العـرب عنـد الشديـد=مـيــر نـخّــت مـجـبـرة والــبــلا جـمّـالـهـا
46. البضاعه لـو تسـاوي ذهـب عبـد الحميـد=نــوب يـرخـص سومـهـا والـسـبـب دلالـهــا
47. ذي قصيـده والقصيـد الـذي مافيـه فيـد=طبـلـةٍ غـيـر الـــدوخ مـــا فـعــل طبـالـهـا
48. واجبـي يـوم المعـانـي تمـيّـل للمحـيـد=اعـــدل المـيـلـه وابـيــن خــطــا مـيـالـهـا
49. جعل يوم ٍ يزعل اهـل الكرامـة مـا يعيـد=مــن يـقـول إنــا سفـهـنـا عـــذر زعـالـهـا
50. المعـزة قالهـا الشيـخ فـي حلـفٍ وكيـد=واشـهـد إنـــه يحـتـمـي كلـمـتـه لا قـالـهـا
51. يـا ارزان القـوم لا مرّكـم ساعـي بـريـد=لا تـــردون المـراسـيـل مــــع مـرسـالـهـا
52. الرسالـة كـان مـا وسطهـا علـم ٍ مفـيـد=مــن تحتـكـم سـلـة المهـمـلات أولــى لـهـا
53. والمعانـي عـن مسـار المعـزة مـا تحيـد=مــال مــن تغـريـه عــوج الــدروب ومالـهـا
54. ذا وأنا أجزم ما لا أحد يوم طرّا الاسم ميد=وْ لا لكلـمـة شيخـنـا غـايــةٍ يـسـعـى لـهــا
55. حيث من شخصه وقار الرجولـه مستسيـد=مشـلـحـه والـثــوب واعمـامـتـه واعقـالـهـا
56. وش يزعلكـم وحـنـا رفـاقـه وإيــد بـيـد=والقـلـوب انـظـاف وأعـذارنـا تـبــرى لـهــا
57. كان منكـم واحـدٍ عـال مـا يحسـب وحيـد=عـنـدنـا العـيـلـة بــعــد واجــــدٍ عِـيّـالـهـا
58. قلتهـا والـحـق كلـمـة وراعيـهـا شهـيـد=تـنـقـبـل والا تــعــوّد عــلـــى قـوالــهــا
59. وش لي بْسلب الكرا من جفن عين الرقيد=خلـهـا تـاخـذ مــن الـنـوم مــا يـحــلا لـهــا
60 مـا عقدنـا قيـد حتـى نجـي وإنحـل قـيـد=شرهـة العقـدة عـلـى مــن يـمـس احبالـهـا

الشاعر/محمد بن عامر بن نيف

وراق مطير هو صوت مطير وكل عضو في منتديات النخبه, إن كان عندك أي ملاحظة أو رسالة لا ترسلها علي فلن يتم الرد عليك بل راسل الإداريين والمشرفين ..وسوف يقومون باللازم
لأصحاب الحفلات الذين يريدون تغطيتها رسمياً بإمكانهم ذلك بعد إطلاعهم على الشروط هان http://www.almouazeen.com/showthread.php?t=2036
.


وراق مطير
رد مع اقتباس