يا سعود

*** يا سعود ***

ياقلبي اللي غداء للهم مصيافن ومرباع = والهم عايش بقلبي طول صيفه مع ربيعه
يسريبه الهم ويسوقه بدربه سوق الاقطاع = ومن وين ماوجهه قلبي تحت رايه يطيعه
اسباب منهو يحط الكحل وسط عيونن وساع = قربه منايه وبعده صعب والله ما استطيعه
ابوقرون على الامتان منقوضه وشراع = وشفايفه حمر وخدوده تجملها الطبيعه
ونهوده موقفه والبطن ماتشكيه الاضلاع = والردف والساق لابين تواصيفه فضيعه
مدري من مطير واللا صاحبي من عزوت إسباع = يرعاء المغاتير من شويه لياحد الرفيعه
العام اشوفه لكن اليوم عني صاحبي ضاع = مع شدة البدو يوم البرق يجذبهم لميعه
امشي مع الوقت وأثر الوقت لو هو زان خداع = لويصفي ايام بالتفريق دوراته سريعه
راحت وغابت واخاف غيابها من دون مرجاع = واليوم أنا اعيش مابين الرجاء وأيا القطيعه
اصبحت محتار أنا ياسعود مدري كيف الاوضاع = وضاقت علي الفجوج الجرد والارض الوسيعه
كني خلوج تهجرع بالحنين وتبدالارياع = امساء ولدها عشاء سحم الذياب اللي مجيعه
قلبي شقاوي وطاوله العنا ياسعود واللاع = والضاهر إني خوي للعناء مدري رضيعه
وياعاذل القلب كف العذل ماتوحيك الاسماع = ماينفع العذل من بعد الهواء ماوقت ريعه

شاعر الغربه
شبل عصيم المطيري

صح لسانك ولاهنت

صح لسانك ملايين يالقرم
ولايمك عمى ياشبل عقب هالوصف
استمتعت جداُ بهذا النص
.

الله لايهينك اخوي ابن الشاعر والف شكرلك

صح لسانك اخوي شبل عصيم قصيده جزله من شاعر جزل وكل قصائك اللتي مررت بها للأمانه تتميز بالسمو الحرفي انت مبدع دائما اخوي شبل عصيم وكلي امل من ادارة منتديات النخبه باجراء حوار
تجعل فيه الشاعر شبل عصيم امام جمهوره ومحبيه لكي يتعرفو عليه عن قرب وهذه هي سياسة المنتديات
مع الشعراء اللذين لهم تواجد رائع هنا لك تقديري دمت بخير .

كل الشكر والتقدير لك اخوي ابو بندر ولك مني الاحترام والتقدير

الف مبروك الديوان مع نخبة شعراء منتديات الموازين وان شالله يكون حافز مساعد لتقديم الابداع المعروف منك شاعرنا شبل بن عصيم

صح لسانك وعتلا شانك

الله يبارك فيك اخوي العبد الله وصح بدنك ياعلي الدجيما

صح لساانك اخوي شبل عصيم ويعطيك العافية