الرحـــــــاب الطاهـــــــرهــ
البارحه ليلي قضيته في قلق راحه وضيق =الناس نامت واهجعت وانا عيوني ساهره
ماكنت افكر فالذهب والماس والا في العقيق = ولاكنت ابي رتبه وسياره وفله فاخره
لاوالله انه هزني التحنان للبيت العتيق = ولشوفة الكعبه ومكه والرحاب الطاهره
يارب تفتح لي لدرب ارضاك والجنه طريق = وتفكني من شر نفسي والظروف القاهره
اليا قسمت الناس بين النار والجنه فريق = اهل الوجيه البيض واصحاب الوجيه الغابره
تظلني في ظل عرشك يوم ينشف كل ريق = وانك لاتحرمني من الاولى عشان الآخره
انا بشر و شيل من هم الليالي مالا اطيق = والعمر كل عدٌة ايام وليالي عابره
ياللي تخاف الموت كم فرٌق صديقاً عن صديق = وياكم فبطون اللحود من العظام الناخره
يارب لاتقطع رجاء المشتاق للبيت العتيق = ولشوفة الكعبه ومكه والرحاب الطاهره
اخوكم الشاعر منيع الله العوني
« آخـــر الـــمـــشـــاركــــات »
غير متواجد حالياً
الرحاب الطاهره
