على هامان يافرعون

غريبه منك تلعبها على هامان يافرعون=بلاش من اللعانه لعبتك هامان خابرها

توافقتوا على المبدا تخالفتوا على المضمون=وكلٍ قام في راسه يكبرها يصغرها

نقول العيب في الجمره تقول العيب في الغليون=ونبلش فالقضيه ماتدللنا محاورها

غريب اطوار لاصاحي يسمونك ولامجنون=نصدرها توردها نوردها تصدرها

بلاهامان يافرعون مهما رحت مالك عون=عصا موسى على راسك بحول الله يكسرها

بعد عقدة لسانه حلها ممشاه مع هارون=ياويل ارض الكنانه ويل كاهنها وساحرها

يحق الحق والباطل زهق والمعتدي *****=وعجل السامري مع قوم ينهاها ويامرها

على غيك مشيت ودون ظلك عصبةٍ يمشون=تسيرها على شوك الكتاده ماتخيرها

جزاك البحر تغرق فيه واللي معك ما من لون=ليا شافتك جثه هامده هلت عبايرها

تموت ولايغير موت مثلك شي في هالكون=وتحيا والبشر تخمش يديك بروس اظافرها

عرفت انك ضعيف ولانت لافارس ولادندون=ماغير الكبر غرر بك مثل قومٍ مغررها

تحسب اني مثل من جاملوك وعاملوك بهون=لا والله ماهقيت وهقوتك ماني مقدرها

انا راسي عليه رعود وبروق ومطر ومزون=مطلات النجوم أسلب مواقعها واطيّرها

وانا ماتابع المقفي ولانشد حالته وش لون=يجي ويروح ماكنه خِلِق طوعا ولاكرها

وانا ادري وش عليّ وويش ليّ وماقفي مامون =ماتخدعني مظاهر قوم هافيةٍ مخابرها

وانا ماتجاوز حدودي ولاتمرد على القانون=ومن يخطي عليّ اكحل عيونه كحل يجهرها

ولو ينسف بحر(ايجه) ولو ينشف بحر (سيحون)=تجدني بحر بحارته يسرف في بواخرها

مالومك يوم تجهلني يابو راسٍ بدون عيون=ليا جاك البكا تيبس دموعك في محاجرها

تشوف الخيل تحسب سر طنختها من الافيون=عسى الافيون يحقل حيث ماتاطا حوافرها

صح لسان الشاعر أبراهيم الشيخي وصحيح أخوي أبو جزاء إذا توفرت للشاعر المتمكن الثقافه يكون شعره حتى هجاءه ينقلك الى فضاءات رائعه من الشعر الجزل القوي..

صح لسان الشاعر وسلم بنانك لنقلها لنا واختياراتك دائماً جزله يالميموني وهذا يدل على أن ذائقتك الشعريه مرتفه

أبن مصاول : مر من هنا وأعجبته هذه الرائعه

صباح الخير ياوجه الخير
اخيراً مر واحد من هنا بعد شهر كامل

فعلاً اخي أبن مصاول الثقافه مهمه جداً للشعراء
وانا اعتب على بعض شعراء مطير المشهورين لان ينقصهم من الثقافه الكثير الكثير
وتجدهم احيان اذا جاء بيقول كلمه حديثه او كلمة فصيحه ينطقونها غلط
مثل واحد من الشعراء ضيع بين كلمة (مايمكن) أو (لا يمكن) هههههههههه

الله الله الله
عز الله انها قصيده مايفه
وكتبها واحد كايف
صميدع
بيض الله وجهك يبن جويبر