الحب مايفهمونه

اذا بغيتو علم وافي من الــــــــــرأس = الحب ماكل البشر يفهمونــــه
الحب ود وعطف واخلاص وإحساس = ماهو كلامٍ بالورق يكتبونــــه
يقوله اللي ميبسٍ كبدة إيبـــــــــــــاس = مايرقدالــليل الذي يرقدونــــه
يسهر ولا يرقد مثل مرقد النـــــــــاس = والقلب ينزف زايداتن طعونه
والفكر يسرح كل ماهب نسنـــــــــاس = نسناس وبلٍ مقبلاتٍ مزونـــه
هذي معاناتي على خد قرطـــــــــــاس = لعل كل الناس هم يفهمونــــه
ومن هو بناحبه وجود له الســـــــاس = ماينهدم لو حاولو يهدمونــــه

كلمات الشاعر/ فايز بن غالب الميزاني (أبووهج)

قصيده رائعه
صح لسان الشاعر / فايز غالب الميزاني
ولاهنت ياخوي مقرن على نقلها

صح لسان شاعرنا فاايز , ومشكور اخوي مقرن على النقل , وننتظر جديدك يابو وهج , تقبل مروري المواتواضع.

الف شكر لك على النقل الجميل أخوي مقرن خالد الميزاني

الف شكر اخوي مقرن على النقل