صوت وصيت لشاعر / متعب على المشعوف

صوت وصيت

انا يوم اغني بالمثايل وجر الصوت=اسلي ووسع خاطري كل ما غنيت
احب القصيد الزين لو هو ثلاث بيوت=خصوصاً إلى منه بنى البيت فوق البيت
افرج بها عن ضيقة الخاطر المكبوت=اردد صداها في ضميري ولا مليت
جلت ضيقتي لو مثل ضيقت سجين الحوت=وبرت حسرتي من زفرت الهم والتنهيت
جزيل المعاني للمجاريح مثل القوت=علاج الحزين اللي لا حي ولا هو ميت
تغنا على بيض المعاني عقاب ونوت=زماناً مضى وانا على طرقهم جاريت
تعيش البيوت المحكمه والهزيل يموت=لها في مدى التاريخ والوقت صوت وصيت
بقى ذكرها في داخل الذاكره منحوت=يجاوب صداها خاطري كل ما ناديت
لذيذاً طراها للمسامع ما هو ممقوت=ليا سمعها العراف بش ونطق يا ليت
من الوزن والمعنى وقف حايراً مبهوت=مداها تقاصر دونه العارف الخريت
على شان معناها حوا النعت والمنعوت=بها نفحة الماضي مع فارق التوقيت
يزين المسامع جوهر الدر والياقوت=على الاذن ما حلا صفة الدر كان اصغيت

متعب بن علي المشعوف

القصيد قد نشرة في جريدة الجزيرة

صح لسان الشاعر متعب ولاهنت اخوي ابن هليله علي النقل

صح لسان الشاعر الراقي متعب بن علي المشعوف ومن شابه أباه فما ظلم كما يقال فهذا الشبل من ذاك الأسد ...ورحم الله الفريق الشاعر /علي المشعوف فقد كان شاعراً ورجل عسكرية من الطراز الأول بالإضافة الى وقفاته التي لا ينساها أي مطيري رحمه الله

والشاعر متعب بهذه القصيدة الجزلة يؤكد بان الولد صنو أبيه ومن تربى في بيئة أدبية لا بد أن يتاثر بما حوله فتأتي أبياته خالية من النقد.

أبن مصاول

مشكور أبن هليله على النقل
وصح لسان الشاعر متعب على القصيده الجميلة

الله يعطيك العافيه ياساكب الحرف على مرورك الجميل

شكراً لك ابن سمار على تشريفك للموضوع