يمناه تكتب لحكم الطيب دستوره=وتخرج الطيب لهل الطيب مدرسته/سعادة اللواء/محمد بن عايش

بسم الله الرحمن الرحيم السلام عليكم ورحمة الله وبركاته اعتذر عن الغياب واتمنى مشاركتي اليوم تشفع لي الغياب جديدي القديم / شيله بصوت المنشد / مشعل المشرافي كلمات اخوكم / حمد السناح أتمنى تحوز على رضاكم

يا طالب الشعر جا للشعر دكتوره=اللي على سِنّته تصعب منافسته
ما هو قصورٍ بهم لكنه اسطوره=لاخم خشم الجزيله قامت فرسته
تشرب من الحبر وتبخه على سطوره=لين النشاما تشاهق عند هجرسته
لامن زهم يبرك الهاجس على زوره=ويسلمه تاج حكمه قبل عومسته
ويلْبس القاف تاجه عند جمهوره=ما همه اللي تزايد فيه غطرسته
وش عاد لو عذربه ثاير وثوره=مـَ / جفّلْ الذيب ثعلب ليل بحرسته
وان دخْن الشعر في صدره قبس نوره=وتجارب الوقت حامسها وحامسته
واحرق على الجمر عُوْده واحرق شعوره=مـَ / احرق من التبغ ملبوره وكلكوسته
ما كنه الا جنون الشعر وغروره=يا لابس الجن والا الجن لابسته
له دلةٍ بالقصايد حيل مشهوره=من ذاق دلة حمد بالشعر نومسته
وان ساقها بالمدايح ثارة بحوره=ولا يشكي اليخت وسط الموج هسهسته
ما يمدح الا ابلجٍ معروف وش دوره=لا عبّس الوقت وجهه دقت اجرسته
مخبور بالفعل يوم الناس مخبوره=أحدٍ رقا للعُلا واحدٍ على بسته
وابن حمد لا ذكرة الاصل والصوره=أشوفه الطيب والفزعات غارسته
بصدور ربعه معزْةْ عزْ محفوره=ما هو كلامٍ حروف الشعر هدرسته
صقرٍ يحلْق بجنحانه وماجوره=مساعي الخير فهرسها وفهرسته
جزاع ما ينلحق بالفعل بابوره=وفزاع للي ظروف الوقت لاهسته
جمايله كنها بالوصف نافوره=ما تنتهي لو يزيد الضخ بترسته
مركاه سمعةّ فخر وعداه مقهوره=طابت على جرْته ما تت من شرسته
عراف مشراف والانصاف في شوره=طحطوح زحزوح والصولات تارسته
مذكور منعور والصملات مذكوره=كن المراجل بكف الخمس خامسته
يمناه تكتب لحكم الطيب دستوره=وتخرج الطيب لهل الطيب مدرسته
لا هزْ لكبر قضيه راس باكوره=ارخت له الراس وأغضت غصب وهمسته
ابك انت من ترتكي له بلْ حنجوره=لو الليالي قبل ينصاك كرفسته
ما دام زندك قبس من زند اخوي نوره=وماضيك مثل الشفق لا فصّخْ دمسته
يا نعنبو لا يمي لقفيت مجبوره=من ينتخي فيك يبطي ما بعد حسته
يا سور من هدة الايام له سوره=يا ضل من شمس وقته قهر حرمسته
يا جاه غايب وجاه العز بحضوره=يا اعظم لواء قدْس الرتبه وقدْسته
يا شايل الحمل يا طايلةٍ شبوره=جتك القصيده ومدحك بحر ما قسته
مني يا ابو خالد الاعذار منثوره=الشعر يتعب وطيبك يشعب فرسته

ياطالب الشعر جاللشعر دكتوره
اللي على سنته تصعب منافسته
كفوو اخوي حمد شاعر جزل ولك حظور يحق لك ان تفتخر بشعرك اللذي يتميز بجزالة المفرده

ونعم بالممدوح فهذا الشخص يستحق المدح بالتأكيد له اياد بيضاء في القبيله يستحق الكثير
دمت بخير

صح لساانك اخوي حمد ويعطيك العافية

صح السانك حمد السناح

قصيده كلها جزاله من شاعر جزل

ويستاهل الممدوح

بيض الله وجهك

المشاركة الأصلية كتبت بواسطة أبو بندر

ياطالب الشعر جاللشعر دكتوره
اللي على سنته تصعب منافسته
كفوو اخوي حمد شاعر جزل ولك حظور يحق لك ان تفتخر بشعرك اللذي يتميز بجزالة المفرده

ونعم بالممدوح فهذا الشخص يستحق المدح بالتأكيد له اياد بيضاء في القبيله يستحق الكثير
دمت بخير

ابو بندر
كفوك الطيب والعلم الغانم ولا عليك زود
اي والله يستاهل ابو خالد وقليل بحقه ديوان
شاكر لك كرم المرور
لك الود
كن بخير

صح لسانك أخوي حمد السناح
دمت بهذا الإبداع لا عدمنا تواجدك

يعطيك العافيه