رقم جوالي

رقم جوالي

ترى اللي على الشاشه هذا رقم جوالي = إذا احتجتني وإلا طرا لك تحاكيني
أبرحل وأبا ودعك يالصاحب الغالي = وابترك معك رقمي وباقي عناويني
وأبنظر بعيني فيك دام إنك إقبالي = وأبا أصورك وابا أحفظك في نظر عيني
على رحلة الغربه أنا اليوم رحالي= على رحلة الغربه همومي تناديني
مسافر ولا أدري وش بدنياي يجرالي = ولآ أدري وش المكتوب لي بآخر سنيني
أنا القاتل المقتول أناعرف قتالي = أنا اللي جروحي كلها أسباب سكيني
أنا الطالب المطلوب أنا الجاني الجالي = أنا اللي يضحكني زماني ويبكيني
أنامن بداياتي وأنافاقد آمالي = وأنا لو أبيع الهم يرجع ويشريني
أنا أعيش مع عالم أنا أعيش بلحالي = على كثرهم ماشفت واحد مصافيني
لياقلت ذا عمي لياقلت ذا خالي = يصيرون ضدي مثل طلابة الديني
وأنا لوعطيت الناس مملك من أموالي= نتيجة عطايه كل واحد يعاديني
ومادام إن ماب الكون مخلوق يصفالي = وش اللي ورا ء الدنيا واهلها معنيني
أباخاوي الغربه وباجر موالي = وبسم شاعر الغربه بسمي دواويني

شاعر الغربه
شبل عصيم الميزاني

صح لسانك يا شبل عصيم ..

احسن قصيدة قريتها لك

صح لسانك قمة الروعه

صح لساااااانك

الجوووري صح بدنك

العبدلي صح بدنك

وانا لوعطيت الناي مملك من اموالي
نتيجة عطايه كل واحد معاديني

صح لسانك ياشبل عصيم قصيده جميله ومعبره اهنيك على هذه القريحه المميزه اللتي تنبع بالجزاله لك تقديري منتديات الموازين الرسميه

صح لساانك اخوي شبل عصيم

كل الشكر والتقدير لك أخوي أبوبندر

صح بدنك أختي العنود ويسعدني مرورك