محاوره بين ابن غلاب والسيف القاطع

من البارح وانا جالس متى بيرد كنق مطير = واضن الكنق غايب ماعنه مخبر ونشادي
لاكن ان كان به شاعر يجي مايحتمل تاخير = نبي ناخذ علومه والعلوم اعتاق واجدادي

الايامرحبا ترحيبة ٍ تسبق جناح الطير = تخص الشاعر الي من زمان يصيح وينادي
مادام الكنق ماجاوبك ملزوم(ن) تدور غير = وجاك الشاعر الي موقعه في روس الاشهادي

يابن غلاب انا اشوف القرى يسعون للتطوير = قراهم بالتطور كل بادي صبح تزتادي
لاكن بعض القرى تحتاج للتحفير والتكسير = يبا يطول عليها الوقت وهيه وضعها عادي

ترا بعض التطورياعميلي مايجيب الخير = لكن احرص على سلم العرب وسلوم الاجدادي
وطعني ياسمي السيف لاتنزل بوسط البير = مكانك فوق راس الضلع لاتمشي مع الوادي

ياسلام صح لسنتكم جميعا

وابن مشدد ماسك كل الصفين لحيلي ههههههههههههههههه

طولت يابن غلاب والله لونك تصنع مثل قنبلة هيروو شيما يمديها خلصت ههههههههههههههه

الرد موجود على الصفحه لكن مايطلع عندك لين تسوي تحديث او تخرج من الموضوع وترجع له مره اخرى

وبعدين هذي مش محاوره مباشره يعني بامكاني ارد عليك بعد يومين هههههههههههههههههه

صحت السنتكم جميعا ً


وانا معك يابن مشدد ماسك الصف

انا اقول التطور بالقرى من ضمنه التعمير = لاكن انتم قراكم يابدووو يحدها حادي
ترى قريتك ياعمده تبى اناره مع التشجير = ولن طورتها قدمت لك دله وبرادي

ياراع الدله الصفرا وراك تزود التبهير = قرانا من زمان الله يحفظك نورها بادي
لكن انتم لكم قريه بحد عمان والخرخير = وعمدتها يشوفونه ورا البصره وبغدادي