واقلبي اللي من هوا الغيد ماتاب

بسم الله الرحمن الرحيم


السلام عليكم ورحمة الله وبركاته



اقدم لكم مالدي واتمنى ان ترتقي لمستوى مسامعكم وذائقتكم الرفيعه


واليكم النص

ياصاحبي قلبي من البعد منصـاب=ماهوب في بعدك مع الناس سالـي
كم ليلة(ن) والنوم للعيـن ماطـاب=غصب(ن) علي اسج ياوجد حالـي
لا زارني طيفك يسوي لي ارهـاب=وافـز واقعـد والليالـي طوالـي
والقلب فاتح للهواجس لـه ابـواب=تدخـل عليـه وتخلفـه بالليـالـي
كله عشانك يامطـول بـي اغيـاب=وكله عشانـك يابعـد كـل غالـي
وهجرك ترا ماهوب مخفي لي الناب=الا مكشـر لـي بنـاب الهبـالـي
يمكن عشانك انهبل بيـن الاقـراب=وادوج بين الناس والـراس خالـي
واقلبي اللي من هوا الغيـد ماتـاب=لو كان له من حبهن جمر صالـي
دايم مع المجمول يبدي له اعجـاب=ويقـول لـه ويــلاه ياهمـلالـي
ياللي مقاطعني بلا ذنـب واسبـاب=واعلنت لي هجرك وقطع الوصالي
لو كان دمعي حاير(ن) بين الاهداب=والله مابكي مـن فـراق الغوالـي
خذها لو ان القلب بالبعـد مرتـاب=بانسـاك لونـك ليـه راس مالـي

ولكم ودي وتقديري


محبكم عبدالله العوني

صــــــــــــــــــــــح

لســــــــــــانـــــــك

ياصاحبي قلبي من البعد منصـاب
ماهوب في بعدك مع الناس سالـي
كم ليلة(ن) والنوم للعيـن ماطـاب
غصب(ن) علي اسج ياوجد حالـي
صح السانك ياشاعرنا وننتطر جديدكـــــــــــــ

صالح الزراقي

صــــــــــــــــــــــــــــــــــح
بدنــــــــــــــــــــــــــــــــــك

غروره عزتك

صح بدنك ولاهنت على المرور العطر

صح لسانك على هانص الرائع اخوي /عبدالله العوني وبيض الله وجهك ...تقبل ودي قبل ردي

بناخي الزحزوح

صح بدنك يالغالي


ولاهنت على المرور العطر


ولك ودي

ما شاء الله عليك أخوي عبد الله
الحب مسوي بك هوايل
نص جزل من شاعر جزل والله لايهينك
ودي وإحترامي / <إِبّــ(زَرّاَقٌ)ــنْ>

عبدالله العوني
صح لسانك على هذا النص
تقبل مروري

صح لسان شاعرنا عبدالله العوني وقصيدة جميلة ومعاناة واضحه متمثلة في أبياتها والقلب خضر دائماً....

في عجز البيت الأخير هناك ثقل فإما انها خطأ إملائي أو فقدان كلمه!!!