قصيدة لشاعر دخيل بن عطالله الميزاني

وين أنت قلبي طواه البعد والفرقا= ياوجد قلبٍ شكا غيبت مواليفه
تطري علية إليا من ناحت الورقا= يزداد همٍ طلبت الله تخفيفه
ليتك تشوف العيون من البكاء غرقا= لويارد المرتوي يملا مغاريفه
لي صاحبٍ لورحل عن ديرتي يبقا= ذكراه ماتبتعد عن قلبي تحيفه
غلاه من دم شريان الغلا يسقا= ولو جيت اباأوصفه تعجز تواصيفه
العين عين اشقرٍ في عالي المرقا= واليا بغا الصيد مشبعته مخاطيفه
وله خدٍ ليامنه كشح برقا= برقٍ على البعد نشتاق لترافيفه
مابين نطقه ولا بين العسل فرقا= تشبه لذوق العسل عندي سواليفه
ياصاحبي انت مني سارقٍ سرقا= أخذت قلبي ولاعاد لمهاديفه
واحرقته من الجفا وابعادكم حرقا= لوجيت اباأصرفه وشلون تصريفه
أنا أشهد انه أخذ عقلي ولا بقا= ولاعاد باقي منه لوكان تطريفه

صح السان الشاعر
وسلمت يمناك على النقل

صح لسان الشاعر ويعطيك العافية اخوي على نقل هالابيات

صح بدنكم , ويشرفني مروركم ويعطيكم العاافيه.

ليتك تشوف العيون من البكاء غرقا .... لويارد المرتوي يملا مغاريفه



الله واكبر على الابيات الجميله حقا أعجبتني هالقصيده المميزه للشاعر دخيل الله
والصوره البلاغيه في هالبيت هي أكبر دليل على تمكن الشاعر من المفرده وهي
مبالغه في وصف الحال ..
الف شكر لك أخوي جريح الهوى على النقل الرائع
دمت بخير

صح لسان الشاعر دخيل الميزاني


يعطيك الف عافيه اخوي على منقولك المميز

صح بدنكم ولا هنتم على المرور الرائع , ويعطيكم الف عافيه .

تسلم ع نقل ها الابيات