طاري الذكرى

السلام عليكم ورحمه الله وبركاااته

واسعد الله ايامكم بالخير والسسعاده

آليكم
عسى ان توصل لـ حد اكتفاء ذائقتكم

|| **||

يادمع لامنك تكفكفت / قلّي = تعبت من وقتي ومن ضيم الايام
معاد بالدنيا حياةٍ / تسلّي = لو اتظاهر بالفرح كلي آوهام
عشت بزمن كله / وكله مولّي = وراحت حياتي بالهوى طرد الاحلام
يادنيتي هذا ضلوعي / وشلّي = واللي بقى منها وحكمك بالاعدام
يادنيتي مليت تكفين / ملّي = والحزن في وجهي تفنن ورسام
يازين هاك الوقت مابه / تبلّي = وقتٍ بشوشٍ بالفرح خير وانعام
ذكرت هاك الوقت من / حالّتي= يأسفلها الملحد / ومنهو بالاسلام
ومن طاري الذكرى تذكرت / خلّي= وقتِ مضى يوم الفرح طير حوّام
خلٍ لـ قلبي من عروقه / يتلّي = تله بحبه تلة سبوق عزام
واصبح بسيفه للموادع / يسلّي = وامست ضلوعي تنحي هم وآلام
ولايحسب اني ناسٍ / ماحصلّي = هذي طعونه نار عامٍ ورى عام
ويالحزن زفراتك شقاها / يخلّي = صمت الزمن بوحه يقوله للانام
ياوقت من جورك دموعي / تهلّي =منك البخت عاثر وطايح ولاقام
ويادمع لامنّك تكفكفت / قلّي = تعبت من وقتي ومن ضيم الايام

قصيدة اقل ما اقول عنها انها درة من الدرر.... قافيتها متناسقة كلماتها قوية تعبر عن الحزن الدفين بصدق المشاعر لهاجس الذكرى للعاشق الحزين ... اخي الشاعر لك قدرة شعرية رائعة ورقي في الاسلوب .. ابدعت وامتعت

صح لسانك اخوي عبدالهادي قصيده جميله

قصيده في غاية الروعه والابداع اخوي عبدالهادي يعطيك العافيه

صح السانك عبدالهادي

-
صح السااانك اخوي عبد الهاااادي ع روعة وجمااال القصيده وتميزهااا لاهنت ...

الهاشميه

اسعدني مرورك واثلج صدري
لاخليت منك يابعدي


بس فيه خطأ املائي فالقصيده
ليت احد المشرفين على هـ القسم يعدله ولاهان

البيت هذا
ذكــرت هـــاك الـوقــت مـــن / حـالّـتـي
يأسفلـهـا الملـحـد / ومنـهـو بـالاســلام


الخطآ = حالتي
التصحيح = حالتلي او حالةً لي

صح لسآنكك أخوي ع القصيدة الرآئعةة
مآننحرم من جديُدك

صح لسانك على القصيده